Fraternidad-Muprespak eta Nafarroako Gizakia Helburu Fundazioak lankidetza hitzarmena sinatu dute

Natalia Fdez. Laviadak, Prebentzio, Kalitate eta Komunikazioko zuzendariorde nagusiak, eta Alfonso Aranak, Nafarroako Gizakia Helburu Fundazioko zuzendari nagusiak, astelehen goizean sinatu zuten akordioa, Fraternidad-Muprespako zuzendaritza probintzialean, Iruñean.

Halaber, Fraternidad-Mupresparen aldetik, Iparraldeko Lurralde zuzendaria, José Ignacio Díaz Lucas, eta Socorro Martín, Mutualitatearen Nafarroako zuzendari probintziala izan ziren. Nafarroako Gizakia Helburu Fundaziotik Pepa Palacios bertan egon zen, NGHFko Lankidetza Proiektuen eta Gizarte Eraginaren arduraduna.

Akordio honen xedea, esparru bat ezartzea da, Gizarte Segurantzak legez Gizarte Segurantzarekin Elkarlanean Diharduen Mutuari esleitzen dizkion jardueren ardatzari buruzko dibulgazio-jarduerak batera egiteko, hala nola mintegiak, ikastaroak, jardunaldiak edo hitzaldiak.

Nafarroako Gizakia Helburu Fundazioaren xedea adikzioen problematikaren eta horri lotutako ondorioen prebentzioa, gizarte-sentsibilizazioa, arreta, tratamendu integrala eta ikerketa da. Bere Jarduera tratamendu-, prebentzio- eta sentsibilizazio-programetan oinarrituta dago.

Fdez. Laviadak adierazi zuen Fraternidad-Mupresparentzat prebentzioa lan-ildo garrantzitsua izango dela 2024rako. "Adikzioen arazoak, lan-arloko edozein aldaeratan, Fraternidad-Muprespan sustatzen dugun ongizatetik urrun dauden arriskuak, istripuak eta gizarte- eta lan-espazioak dakartza".

Aranak, bere aldetik, "Fraternidad-Mupresparen eta NFGHren arteko lankidetzaren garrantzia" baloratu zuen, "lan-ingurunean pertsonengana iristeko kanalak eskainiz, horrela problematika desberdinen arriskuak ezagutu ahal izateko, eta, gainera, enpresen barruan osasuna zaintzen duten pertsonengana hurbildu ahal izateko. Garrantzitsua da lantaldeak hezitzea eta prestatzea, gai honi behar bezala heltzeko. Arazo honi buruzko ezagutzak ingurune soziolabolar osasungarriak sortzeko aukera ematen du".